Ko‘krak suti bilan oziqlantirishda aralashmalarni qanday kiritish kerak?

Asosiy oziqlanish turi bo‘lgan ona sutiga qo‘shimcha sifatida aralashma berish dokorm deb ataladi. Odatda, ko‘pgina hollarda bolani dokorm qilishga onaning laktatsiyasi kamayganida to‘g‘ri keladi. Agar ona sutini saqlab qolish uchun barcha chora-tadbirlar amalga oshirilgan bo‘lsa-da, natija bermasa, aralashma kiritish zarur bo‘ladi. Aralashmani kiritish, uning optimal rejimi va miqdori bo‘yicha albatta pediatr bilan maslahat qiling. Umumiy qoida shundan iboratki, aralashmani birinchi marta 10–30 ml miqdorda kuniga bir marta, faqatgina emizishdan keyin berishni boshlash tavsiya etiladi. Keyinchalik aralashma miqdorini asta-sekin oshirish mumkin. Bu bolada aralashmaning qabul qilinishini tekshirishga imkon beradi. Shu bilan birga, bolaning aralashmaga o‘rganish davri bir necha kundan bir oygacha davom etishi mumkinligini hisobga olish lozim. Shu sababli, birinchi aralashmani to‘g‘ri tanlash juda muhim. Agar bola tayyorlangan aralashmaning barchasini iste'mol qilmasa, qolgan aralashmani saqlamang. Keyingi ovqatlantirish uchun yangi aralashma tayyorlang.